موت کی افواہ پر شاہ رخ خان کا دلچسپ تبصرہ

ٹوئٹ میں شاہ رخ خان نے کہا کہ خدا کا شکر ہے کہ طیارہ تباہ ہونے اورفلم کے سیٹ پر خطرناک حادثے کے باوجود وہ بچ گئے- فوٹو؛ فائل

---

بالی ووڈ کنگ شاہ رخ خان نے طیارہ حادثے میں اپنی موت کی افوا پھیلانے والوں کو دلچسپ جواب دیا ہے۔

شاہ رخ خان آنند لال رائے کی فلم کی شوٹنگ میں مصروف ہیں اورچند روز قبل فلم سٹی میں شوٹنگ کے دوران ایک حادثہ پیش آیا جس میں سیٹ کا کچھ حصہ زمین پر آگرا، کنگ خان خوش قسمتی سے اس حادثے میں بال بال بچ گئے تاہم ٹیم کے 2 ارکان اس میں زخمی ہوئے۔

اس خبر کو بھی پڑھیں؛ شاہ رخ خان کے طیارہ حادثے میں مرنے کی خبر سوشل میڈیا پروائرل

دوسری جانب یورپین ویب سائٹ نے اسی دوران شاہ رخ خان کے موت کی خبر چلادی جس میں کہا گیا کہ پیرس میں طیارہ حادثے میں میں کنگ خان ساتھیوں سمیت ہلاک ہوگئے، اور یہ خبر جنگل میں آگ کی طرح پھیل گئی جب کہ کئی بھارتی ویب سائٹ نے بھی تصدیق کیے بغیر یہ خبر شائع کی۔

TGIF! Survived the week inspite of a plane crash, fatal accident on sets & yet another title of Imtiaz Ali film! pic.twitter.com/5W5DtrrupA

— Shah Rukh Khan (@iamsrk) June 2, 2017

شاہ رخ خان نے ٹوئٹر پر حادثے سے متعلق ایک دلچسپ ٹوئٹ کے ساتھ اپنی تصویر بھی شیئر کی جس میں وہ بالوں پر ہاتھ پھیر کر حیرانی کا اظہار کررہے ہیں، ٹوئٹ میں شاہ رخ خان نے کہا کہ خدا کا شکر ہے کہ طیارہ تباہ ہونے اورفلم کے سیٹ پر خطرناک حادثے کے باوجود وہ بچ گئے۔

اس خبر کو بھی پڑھیں؛ شاہ رخ خان شوٹنگ کے دوران حادثے سے بال بال بچ گئے

واضح رہے آنند رائے کی فلم میں شاہ رخ خان کے ساتھ کترینہ کیف اور انوشکا شرما بھی مرکزی کردا ادا کررہی ہیں۔