بھارت میں فیس بک پر پاکستان زندہ باد کی پوسٹ کرنے پر نوجوان گرفتار

افسر خان کو مقامی افراد کی شکایت پر حراست میں لیا گیا، پولیس۔ فوٹو:فائل

---

بھارت میں پولیس نے فیس بک پر پاکستان زندہ باد کی پوسٹ کرنے پر 15سالہ نوجوان کو گرفتار کر لیا۔

بھارتی میڈیا کے مطابق ریاست بہار کے ضلع کشن گنج میں پولیس نے فیس بک پر اپنی تصویر کے ساتھ پاکستان زندہ باد کی پوسٹ کرنیوالے نوجوان کو گرفتار کرلیا، حراست میں لیے جانے والے نوجوان کی شناخت 15 سالہ افسر خان کے نام سے ہوئی۔

پولیس کا کہنا ہے کہ افسرخان کو مقامی افراد کی شکایت پر حراست میں لیا گیا۔ اے ایس پی کشن گنج راجیو مشرا کا کہنا ہے کہ مقامی افراد نے پولیس سے رابطہ کرکے لڑکے کیخلاف کارروائی کا مطالبہ کیا تھا۔