آج سنیما میں فلم کی جگہ پاک بھارت میچ دکھایا جائیگا

شائقین کرکٹ چمپیئنز ٹرافی میں روایتی حریف بھارت سے مقابلہ دیکھنے کیلیے پرجوش۔ فوٹو: فائل

---

چمپیئنز ٹرافی کا آج ہونیوالے پاک بھارت معرکہ کے حوالے سے حیدرآباد کے سینیما گھروں میں فلم کی جگہ میچ دیکھایا جائے گا۔

کرکٹ چمپیئنز ٹرافی میں آج اتوار روایتی حریف پاکستان اور بھارت مدمقابل ہوں گے، اس حوالے سے حیدرآباد کے شائقین کرکٹ میں بھی خاصا جوش وخروش پایا جاتا ہے اور میچ کے انتظار میں ان کی دھڑکنیں تیز ہونے لگی ہیں، بڑے مقابلے کو اجتماعی طور پر دیکھنے کے لیے شہر بھر میں بڑے انتظامات کیے گئے ہیں جبکہ فاطمہ جناح روڈ پر واقع سینما گھر میں پاک بھارت میچ بڑی اسکرین پر دیکھایا جائے گا۔

دوسری جانب حیدرآباد کے شہری قومی کرکٹ ٹیم کی جیت کے لیے پر عزم ہیں اور شہریوں کا کہنا ہے کہ آج پاکستان اپنے روایتی حریف بھارت کو شکست دیگا۔