انتقال پر عامر زکی کا کوئی دوست نہ آیا فنکاروں پر تنقید

میں دوسال سے امریکا میں مقیم ہوں، علی حیدر نے تنقیدی وڈیو کو مسترد کردیا۔ فوٹو: فائل

---

ISLAMABAD: گلوکار علی حیدر نے لیجنڈری آرٹسٹ عامر زکی کی کے انتقال پر بنائی گئی ٹی وی ہوسٹ وقار ذکا کی تنقیدی وڈیو کو مسترد کردیا ہے۔

عامرزکی کے انتقال کے بعد وقار ذکا سہراب گوٹھ پر واقع ایدھی کے سرد خانے پہنچے اور وہاں سے ایک تنقیدی وڈیو بنائی جس میں کہا کہ آرٹسٹوں کو یہاں آنا چاہیے اور دیکھنا چاہیے کہ عامر زکی کو کیسے رکھا گیا ہے۔

وقار ذکاء نے اپنی وڈیو میں گلوکار علی حیدر، حدیقہ کیانی اور احمد جہانزیب کو بھی تنقید کا نشانہ بنایا ، یہ سارے فنکار عامر زکی کے ساتھ ہوتے تھے لیکن ان کے انتقال پر کوئی نہیں آیا۔ بعد ازاں وقار ذکا کی وڈیو کو مسترد کرتے ہوئے گلوکار علی حیدر نے وڈیو بیان جاری کیا جس میں انھوں نے کہا کہ سب جانتے ہین کہ میں دو سال سے امریکا میں ہوں، حدیقیہ کیانی لاہور میں ہیں ، جب کہ تم تو کراچی میں ہو اتنے عرصے سے تم نے کچھ کیوں نہیں کیا۔