بھارتی ٹیم بہت آگےجاچکی جبکہ ہم ابھی بہت پیچھے ہیں شاہد آفریدی

پاکستان ٹیم کا مائنڈ سیٹ تبدیل کرنے کی ضرورت ہے،سابق کپتان، فوٹو؛ فائل

---

PESHAWAR: آئی سی سی چیمپئنز ٹرافی میں پاکستان کی بھارت کے ہاتھوں بدترین شکست کے بعد قومی ٹیم کے سابق کپتان اور اسٹار آل راؤنڈر شاہد آفریدی بھی پھٹ پڑے۔

بوم بوم آفریدی نے سماجی رابطے کی ویب سائٹ ٹویٹر پراپنے پیغام میں پہلی باراعتراف کرتے ہوئے کہا ہے کہ اب بھارت اورپاکستان کے درمیان فاصلہ پہلے سے بہت بڑھ چکا ہے، بھارتی ٹیم بہت آگے جا چکی ہے جبکہ ہم اب بھی بہت پیچھے ہیں۔

The gap between Indian and Pakistani teams is bigger than ever! India has evolved & we are way behind now 1/2

— Shahid Afridi (@SAfridiOfficial) June 4, 2017

شاہد آفریدی نے کہا کہ ہمیں اپنی اپروچ اورمائنڈ سیٹ کو تبدیل کرنے کے ساتھ جمود کا شکار صلاحیتوں کوبہتربنانے پرکام کرنا ہو گا، اس کےساتھ پلیئرز کو واضح سوچ کے ساتھ میدان میں جانا ہو گا۔

We need to overhaul approach, mindset & work on improving our stagnating skills and play with clear minds 2/2

— Shahid Afridi (@SAfridiOfficial) June 4, 2017

شاہد آفریدی نے مزید کہا کہ اسٹرائیک روٹیشن گرین شرٹس کا بہت پرانا مسئلہ ہے، اس کے علاوہ آخری اوورز میں خراب بولنگ کے باعث بھی ٹیم غیرضروری دباؤ کا شکار ہو جاتی ہے۔

Our age old problems with strike rotation and poor death bowling hurt us badly in the game

— Shahid Afridi (@SAfridiOfficial) June 4, 2017

واضح رہے کہ گزشتہ روز ہونے والے چیمپئنز ٹرافی کے میچ میں بھارت کے ہاتھوں پاکستان کویک طرفہ مقابلے کے بعد شکست کا سامنا کرنا پڑا تھا۔