زخمی وہاب ریاض کی جگہ رومان رئیس اسکواڈ میں شامل

رومان رئیس پی ایس ایل سیزن ٹو میں شاندار کارکردگی سے توجہ کا مرکز بنے تھے . فوٹو : سوشل میڈیا

---

آئی سی سی چیمپئنز ٹرافی میں بھارت کے خلاف میچ میں ٹخنے کی انجری کا شکار ہونے والے پیسر وہاب ریاض کی جگہ رومان رئیس کو اسکواڈ میں شامل کر لیا گیا ہے۔

وہاب ریاض انجری کی نوعیت سنگین ہونے کے باعث ایونٹ سے باہر ہو گئے ہیں اور انہیں جلد وطن واپس بھجوا دیا جائے گا۔ وہاب ریاض کی جگہ محمد عباس اور رومان رئیس میں ٹائی تھی، منیجمنٹ نے رومان رئیس کو زیادہ موزوں قرار دیتے ہوئے انگلینڈ بھجوانے کا فیصلہ کیا ہے، آئی سی سی ٹیکنیکل کمیٹی کی منظوری ملتے ہی وہ انگلینڈ روانہ ہو جائیں گے۔

رومان رئیس پی ایس ایل سیزن ٹو میں شاندار کارکردگی سے توجہ کا مرکز بنے تھے، وہ دو ٹی20 انٹرنیشنلز میں پاکستان کی نمائندگی کرتے ہوئے ایک وکٹ حاصل کر چکے ہیں۔