نارتھ کراچی سے اسلحے کا ذخیرہ برآمد ترجمان رینجرز

اسلحہ ایم کیوایم (لندن) سیکریٹریٹ کے شرپسند عناصر نے شہر میں بدامنی پھیلانے کے لیے چھپایا تھا،ترجمان رینجرز

ویب ڈیسک June 06, 2017

اسلحہ ایم کیوایم (لندن) سیکریٹریٹ کے شرپسند عناصر نے شہر میں بدامنی پھیلانے کے لیے چھپایا تھا،ترجمان رینجرز فوٹو: فائل

KARACHI: رینجرز نے نارتھ کراچی میں کارروائی کرکے چھیایا گیا اسلحے کا ذخیرہ برآمد کرلیا جو شہر میں بدامنی پھیلانے کے لیے استعمال کیا جانا تھا۔

رینجرز کی جانب سے جاری کیے گئے اعلامیے کے مطابق رینجرزنے نارتھ کراچی میں کارروائی کرکے چھیایا گیا اسلحے کا ذخیرہ برآمد کرلیا جو نارتھ کراچی عید گاہ گراؤنڈ میں واقع ایک کمرے اور اس سے متصل کچرا کنڈی میں چھیا یا گیا تھا جب کہ اسلحے میں ایل ایم جی، ایس ایم جی، ایس ایم جی رائفل، پستول، 3 بم اور مختلف اقسام کی گولیاں شامل ہیں۔

ترجمان رینجرز کے مطابق برآمد ہونے والا اسلحہ متحدہ قومی موومنٹ (لندن) سیکریٹریٹ کے کچھ شر پسند عناصر نے شہر میں بدامنی پھیلانے کے لیے چھپایا تھا جب کہ عوام سے اپیل ہے کہ دہشت گردی کی روک تھام کے لیے ایسے عناصر کے بارے میں فوری طور پر اطلاع دیں۔