نواز شریف کے مستعفی ہونے تک جے آئی ٹی آزادانہ کام نہیں کرسکتی عمران خان

جے آئی ٹی ارکان نے خود بتادیا کہ تحقیقات میں رکاوٹیں ڈالی جارہی ہیں، چیرمین پی ٹی آئی کی ٹوئٹ۔ فوٹو: فائل

---

پاکستان تحریک انصاف کے چیرمین عمران خان نے کہا ہے کہ وزیراعظم نواز شریف کے مستعفی ہونے تک پاناما لیکس کی تحقیقات کرنے والی مشترکہ تحقیقاتی ٹیم آزادانہ کام نہیں کر سکتی۔

عمران خان نے اپنی ٹوئٹ میں کہا کہ تمام سرکاری ادارے نواز شریف کے ماتحت ہیں، لہذا وزیراعظم کے مستعفی ہونے تک جے آئی ٹی آزادانہ کام نہیں کر سکتی۔

All govt orgs are under PM so without NS's resignation JIT will never be able to work in an obstacle-free environment. This is now evident. https://t.co/5n1rkziNFV

— Imran Khan (@ImranKhanPTI) June 7, 2017

جے آئی ٹی ارکان نے آج خود اس بات کا اعتراف کیا ہے کہ تحقیقات میں رکاوٹیں ڈالی جارہی ہیں، نواز شریف نے 3 دہائیوں سے امپائرز کو اپنے ساتھ ملایا ہوا ہے اوران کے کارندے مسلسل جے آئی ٹی پر حملے کر رہے ہیں۔ انہوں نے کہا کہ یہ ذہنیت نواز شریف کی امپائر کو ساتھ ملاکر کھیلنے کا نتیجہ ہے، ان کارندوں کواس ذہنیت سے پالا گیا ہے کہ جو ہمارے حق میں نہیں وہ جانبدار ہے۔