کراچی سہراب گوٹھ تھانے پر حملہ ایک اہلکار جاں بحق2 زخمی

نامعلوم موٹر سائیکل سواروں نے اچانک تھانے پر حملہ کردیا جس کے نتیجے میں 3 اہلکارزخمی ہوگئے،ڈی آئی جی ایسٹ علیم جعفری فوٹو: فائل

---

سہراب گوٹھ تھانے پر نامعلوم افراد کے حملے کے نتیجے میں ایک پولیس اہلکار جاں بحق اور 2 زخمی ہوگئے۔

ایکسپریس نیوز کے مطابق نامعلوم افراد نے سہراب گوٹھ تھانے پر اچانک حملہ کرکے فائرنگ شروع کردی جس کے کے نتیجے میں 3 پولیس اہلکار زخمی ہوگئے۔ زخمی اہلکاروں کو طبی امداد کے لئے تھانے کے پچھلے دروازے سے اسپتال منتقل کیا گیا تاہم ایک اہلکار زخموں کی تاب نہ لاتے ہوئے دم توڑ گیا۔

ڈی آئی جی ایسٹ علیم جعفری کا کہنا ہے کہ نامعلوم موٹر سائیکل سوار افراد نے اچانک تھانے پر حملہ کردیا جس سے گیٹ پر مامور 3 اہلکار زخمی ہوگئے تاہم پولیس کی جوابی کارروائی سے حملہ آور فرار ہوگئے۔