الطاف حسین کے ریڈ وارنٹ کے لیے انٹرپول کو باقاعدہ درخواست بھجوا دی گئی

الطاف حسین کی گرفتاری کے لیے انٹرپول کے قواعد و ضوابط کے مطابق تمام قانونی تقاضے پورے کر دیے گئے، وزارت داخلہ

ویب ڈیسک June 09, 2017

الطاف حسین مختلف فوجدارای مقدمات میں پاکستانی عدالتوں کو مطلوب ہے، وزارت داخلہ فوٹو: فائل

KARACHI: وزارت داخلہ نے ایم کیو ایم کے بانی الطاف حسین کے ریڈ وارنٹ کے اجرا کے لیے انٹر پول کو باقاعدہ درخواست بھجوا دی ہے۔

وزارت داخلہ کے مطابق ایم کیو ایم کے بانی الطاف حسین مختلف فوجداری مقدمات میں پاکستانی عدالتوں کو مطلوب ہیں۔ الطاف حسین کے خلاف ریڈ وارنٹ کے اجرا کے لیے ایف آئی اے نے انٹرپول کے قواعد و ضوابط کو مدنظر رکھتے ہوئے تمام قانونی تقاضے پورے کئے اور اب الطاف حسین کی گرفتاری کے لئے انٹر پول کو باقاعدہ درخواست بھجوا دی گئی ہے۔

اس خبر کو بھی پڑھیں: بانی ایم کیوایم سے متعلق پاکستان کی تشویش کوسمجھ سکتے ہیں

واضح رہے کہ پاکستان اور برطانیہ کے درمیان مجرموں کے تبادلے کا کوئی معاہدہ موجود نہیں ہے، موجودہ حکومت نے انٹر پول کے ذریعے الطاف حسین کی گرفتاری کے لیے کئی مرتبہ کوششیں کی جو بارآور ثابت نہیں ہوئیں، اس سلسلے میں آخری کوشش رواں برس کی گئی تھی لیکن انٹر پول نے اسے مسترد کرتے ہوئے کہا تھا کہ سیاسی اور مذہبی بنیادوں پر کسی کے خلاف کارروائی نہیں کی جا سکتی۔