میرا عید ٹیلی فلم ’’دوڑ‘‘ میں مزاحیہ کردار میں نظر آئیں گی

پہلی بار مزاحیہ کردار کی آفر کو ٹھکرا نہ سکی ، شائقین کو پسند آئے گا ،میرا کی گفتگو

نمرہ ملک June 09, 2017

پہلی بار مزاحیہ کردار کی آفر کو ٹھکرا نہ سکی ، شائقین کو پسند آئے گا ،میرا کی گفتگو ۔ فوٹو : ایکسپریس

میرا عید ٹیلی فلم''دوڑ'' میں اداکاری کے جوہر دکھائیں گی جس کی ہدایات کامران اکبر خان نے دی ہیں۔

ٹیلی فلم کے سیٹ پر ایکسپریس سے خصوصی بات چیت کرتے ہوئے میرا نے بتایا کہ میں اپنے کیرئیر میں ہمیشہ سنجیدہ کردار ادا کیے ہیں، کبھی کامیڈی کردار نہیں کیا، اس لیے جب اس مزاحیہ ٹیلی فلم کی آفر آئی تو میں نے حامی بھر لی کیونکہ میں کچھ نیا کرنا چاہتی تھی۔

عید ٹیلی فلم میں میرا کے علاوہ دیگر کاسٹ میں ناہید شبیر، اشنہ شاہ، حماد فاروقی، صبا فیصل اور محمود اسلم شامل ہیں ۔ڈرامہ کے ہدایت کار کامران اکبر خان نے کہا کہ میرا نے کبھی کامیڈی والے کردار ٹی وی پر نہیں کیے تو یہ منفرد اور تازہ کردار ہوگا نہ صرف میرا بلکہ ان کے دیکھنے والوں کے لیے بھی، ان کا یہ پنجابی مکس کردار یقیناً شائقین کو پسند آئے گا۔