KARACHI:
کلری میں دستی بم حملے کے نتیجے میں 4 افراد زخمی ہوگئے۔
پولیس کے مطابق کلری کے علاقے ہنگورو آباد میں واقع پیٹرول پمپ کے قریب خالی پلاٹ پر موٹر سائیکل پر سوار نامعلوم ملزمان دستی بم پھینک کر فرار ہوگئے جس کے نتیجے میں قریب ہی موجود 4 افراد محمد حسن ، ذکریا ، محمد علی اور عرفان زخمی ہوگئے جنہیں سول اسپتال منتقل کردیا گیا جہاں انہیں میں طبی امداد فراہم کی جارہی ہے۔
پولیس کا کہنا ہے کہ دستی بم حملہ بھتے خوروں کی کارروائی معلوم ہوتی ہے تاہم مزید تحقیقات کے بعد ہی واقعے کی صحیح وجوہات کا تعین کیا جاسکے گا۔