جیت کا سہرا بولرز کے سر جاتا ہے سرفراز احمد

فخرزمان اچھے کھلاڑی اور پاکستان کا مستقبل ہیں، کپتان سرفراز احمد - فوٹو: اے ایف پی

---

قومی کپتان سرفراز احمد کا کہنا ہے کہ سری لنکا کے خلاف جیت کا سہرا بالرز کے سر جاتا ہے جب کہ محمد عامر نے بیٹنگ میں بھی اچھی کارکردگی کا مظاہرہ کیا۔

چیمپئنز ٹرافی کے اہم میچ میں سری لنکا کو شکست دینے کے بعد قومی کرکٹ ٹیم کے کپتان سرفراز احمد کا کہنا تھا کہ جیت کا سہرا ہمارے بولرز کو جاتا ہے اور محمد عامر کو بھی جیت کا کریڈٹ دوں گا کیوں کہ اس نے ذمہ داری سے بیٹنگ کی اور میرا بھرپور ساتھ دیا جب کہ عامر سےکہا تھا کہ نارمل کرکٹ کھیلیں گے۔ انہوں نے کہا کہ فخرزمان اچھے کھلاڑی اور پاکستان کا مستقبل ہیں۔

اس خبر کو بھی پڑھیں؛ سری لنکا کو شکست دیکر پاکستان سیمی فائنل میں پہنچ گیا

واضح رہے سری لنکا کے خلاف انتہائی اہم میچ میں کپتان سرفراز احمد نے ذمہ دارنہ بیٹنگ کا مظاہرہ کرتے ہوئے 61 رنز کی ناقابل شکست اننگز کھیل کر ٹیم کو سیمی فائنل میں پہنچانے میں اہم کردار ادا کیا جب کہ سرفراز کی شاندار کارکردگی پر انہیں مین آف دی میچ سے بھی نوازا گیا۔