کراچی سہراب گوٹھ میں 2 دھماکے 2 افراد جاں بحق 2 زخمی

پہلا دھماکا پولیس کی اسنیپ چیکنگ کے دوران ہوا جس سے ایس ایچ او زخمی ہوا جبکہ دوسرے دھماکے میں 2 افراد جاں بحق اور ایک زخمی ہوا۔ فوٹو: ایکسپریس نیوز

---

سہراب گوٹھ میں 2 دھماکوں کے نتیجے میں 2 افراد جاں بحق اور 2 زخمی ہوگئے۔

ایکسپریس نیوز کے مطابق پہلا دھماکاایدھی سرد خانے کے قریب پولیس کی اسنیپ چیکنگ کے دوران ہوا جس سے ایس ایچ او سمن آباد عارف آفریدی زخمی ہوئے جبکہ جوے اور منشیات کے اڈے کے قریب دوسرے دھماکے میں 2 افراد جاں بحق اور ایک زخمی ہوا تاہم پولیس نے خدشہ ظاہر کیا ہے کہ جاں بحق ہونے والے افراد مبینہ طور پر حملہ آور تھے جو بارودی مواد نصب کر رہے تھے کہ اسی دوران دھماکا ہوگیا۔ دھماکے کے بعد جائے وقوع پر بارود کی بو پھیل گئی اور انسانی اعضا دور دور تک بکھر گئے۔

ایس ایچ او سمیت دیگر زخمیوں کو اسپتال منتقل کردیا گیا ہے جہاں انہیں طبی امداد فراہم کی جارہی ہے جبکہ پولیس نے علاقے کو گھیرے میں لے کر شواہد اکٹھےے کرکے تحقیقات شروع کردی ہے۔