جرمنی میں فائرنگ سے خاتون پولیس اہلکار ہلاک متعدد افراد زخمی

سیکورٹی اہلکاروں نے علاقے کو گھیرے میں لینے کے بعد حملہ آور کو گرفتار کرلیا۔ فوٹو: فائل

---

KARACHI: جرمنی کے شہر میونخ میں نامعلوم شخص نے فائرنگ کرکے خاتون پولیس اہلکار کو ہلاک اور متعدد افراد کو زخمی کردیا۔

جرمن میڈیا کے مطابق واقعہ میونخ ریلوے اسٹیشن پر پیش آیا جب ایک مسافر نے خاتون پولیس اہلکار سے پستول چھین کر اس کے سر پر گولی مار کر اسے قتل کردیا۔

پولیس اہلکار کو ہلاک کرنے کے بعد حملہ آور فائرنگ کرتا ہوا فرار ہوگیا جس کے نتیجے میں مزید 4 افراد زخمی ہوگئے۔ سیکورٹی اہلکاروں نے پورے علاقے کو گھیرے میں لینے کے بعد حملہ آور کو گرفتار کرلیا۔ اس دوران ریلوے اسٹیشن آنے جانے والی ٹرینوں کو بھی روک دیا گیا۔

جرمن میڈیا کے مطابق پولیس اہلکار نے معمول کی چیکنگ کے لیے حملہ آور کو ریلوے اسٹیشن پر روکا تو اس نے حملہ کردیا۔