سنجے منجریکر بھی حسن علی کی شاندار بولنگ کے گرویدہ

حسن علی پاکستان کے کرکٹ کلچر کی ایک نیچرل پراڈکٹ ہے، سابق بھارتی کرکٹر- فوٹو: فائل

---

قومی کرکٹ ٹیم کے پیسر حسن علی نے آئی سی سی چیمپئنز ٹرافی میں شاندار کارکردگی سے کرکٹ حلقوں کو داد دینے پر مجبور کر دیا ہے۔

سابق بھارتی کرکٹر سنجے منجریکر نے سری لنکا کے خلاف پیسر کی غیرمعمولی کارکردگی کی تعریف سوشل میڈیا پر کرتے ہوئے کہا کہ "حسن علی خالص میڈ ان پاکستان فاسٹ بولر ہے اور پاکستان کے کرکٹ کلچر کی ایک نیچرل پراڈکٹ ہے۔

Hassan Ali is a typical 'Made in Pakistan' fast bowler. Natural product of the Pakistan cricket culture.👏👏👏#CT17

— Sanjay Manjrekar (@sanjaymanjrekar) June 12, 2017

انہوں نے ایک اور ٹوئٹ میں لکھا کہ "یہاں تک کہ بیٹنگ میں بھی پاکستان کو میچ جیتنے کیلیے بولرز کی ضرورت پڑتی ہے، ویل ڈن عامر، ویل ڈن سرفراز۔ پاکستان کو جیت پر مبارکباد۔

Even while batting, Pak need the help of a bowler to win matches 😉 Well done Amir! Well done Sarfraz! Congratulations Pakistan!#CT17

— Sanjay Manjrekar (@sanjaymanjrekar) June 12, 2017

سابق کرکٹر نے ایک اور ٹوئٹ میں محمد عامر اور جنید خان کی بولنگ کی بھی تعریف کرتے ہوئے کہا کہ جس طرح دونوں بولرز نے سری لنکا کے بلے بازوں پر پریشان رکھا کسی دور میں وسیم اکرم اور وقار یونس اپنے مخالفین کے ساتھ ایسا کیا کرتے تھے مگر اب جنید اور عامر کی صورت میں پاکستان کے پاس بولرز موجود ہیں۔

161/2 & then suddenly its 167/7. Have seen Pak do this to opposition many times.It used to Wasim & Waqar, now it's Junaid & Amir. 👏👏👏#CT17

— Sanjay Manjrekar (@sanjaymanjrekar) June 12, 2017

پاکستانی شائقین نے اس پر سنجے منجریکر کا شکریہ ادا کیا ہے، ایک پاکستانی مداح نے کہا کہ یہ ایک جینیاتی چیز ہے اور بولنگ پاکستانیوں کی جینز میں موجود ہے۔ ایک صارف نے لکھا کہ حسن علی کبھی نہیں تھکتا وہ ایک حیران کن انجن ہے۔