چیمپئنز ٹرافی سیمی فائنل کے امپائر پینلز میں علیم ڈار شامل نہ ہوسکے

علیم ڈارکا اہم میچزکیلیےتقررہوتاتھا لیکن اس باردوسرےسیمی فائنل میں انہیں فرائض نبھانے کا موقع نہیں ملے گا . فوٹو/ایکسپریس نیوز/فائل

---

انٹرنیشنل کرکٹ کونسل نے چیمپئنز ٹرافی سیمی فائنلز کیلیے میچ آفیشلز کا اعلان کردیا ہے جس میں علیم ڈار شامل نہیں ہیں۔

پاکستان اور انگلینڈ کے درمیان بدھ کو کارڈ ف میں شیڈول میچ میں ماریس ایراسمس اور روڈ ٹکر فیلڈ امپائرہوں گے، میچ ریفری کے فرائض اینڈی پائی کرافٹ انجام دیں گے۔ جمعرات کو برمنگھم میں بھارت اور بنگلا دیش کے درمیان دوسرے سیمی فائنل کے فیلڈ امپائرز رچرڈ کیٹل برو اور کمار دھرما سینا ہوں گے۔ ماضی میں پاکستان کے علیم ڈار کا اہم میچز کیلیے تقرر ہوتا تھا لیکن اس بار دوسرے سیمی فائنل میں انہیں فرائض نبھانے کا موقع نہیں ملے گا۔