والد کیساتھ کام کرتے ہوئے وحشت ناک ماحول کا سامنا کرنا پڑا ایوانکا ٹرمپ
ٹرمپ سابق ایف بی آئی سربراہ کے الزامات کے باوجود مستقبل کے حوالے سے پرامید ہیں
امریکی دختر اول ایوانکا ٹرمپ نے کہا ہے کہ والد کے ساتھ کام کرتے ہوئے انھیں وحشت ناک ماحول کا سامنا کرنا پڑا ہے۔
واشنگٹن میں امریکی ٹی وی چینل کو انڑویو دیتے ہوئے ایوانکا ٹرمپ کا کہنا تھا کہ واشنگٹن میں بدنیتی کا ماحول ہے جب وہ جنوری میں دارالحکومت پہنچیں تو انھیں اس بات کا اندازہ نہ تھا۔
ایوان کا نے کہا کہ ڈونلڈ ٹرمپ سابق ایف بی آئی سربراہ کے الزامات کے باوجود مستقبل کے حوالے سے پرامید ہیں۔ اپنے شوہر جیریڈ کے حوالے سے انھوں نے کہا کہ وائٹ ہاؤس اور جیریڈ کے درمیان افواہوں کو پھیلایا گیا اور میڈٰیا نے ضرورت سے زیادہ جیریڈ پر الزامات کو ہوا دی ہے۔ واضح رہے کہ امریکی انتخابات میں روسی مداخلت کے معاملے پر ڈونلڈ ٹرمپ کے داماد جیریڈ پر بھی سنگین الزمات ہیں جس پر انھیں سینیٹ کے سامنے پیش ہونا پڑے گا۔