رومان رئیس ون ڈے ڈیبیو کرنے والے 214 ویں پاکستانی کرکٹر بن گئے

بولنگ کوچ اظہر محمود نے میدان میں اترنے سے قبل رومان رئیس کو کیپ دی۔ فوٹو: پی سی بی

---

پاکستان کے لیفٹ آرم فاسٹ بولر رومان رئیس ون ڈے ڈیبیو کرنے والے 214 ویں پاکستانی کرکٹر بن گئے۔

آئی سی سی چیمپئنز ٹرافی میں رومان رئیس اپنے پہلے ایک روزہ بین الاقوامی میچ کیلئے جب میدان میں اترے تو وہ ون ڈے انٹرنیشنل کھیلنے والے 214 ویں پاکستانی کرکٹر بن گئے۔

بولنگ کوچ اظہر محمود نے میدان میں اترنے سے قبل انہیں کیپ دی، ساتھی پلیئرز نے ان کی بھرپور حوصلہ افزائی کی۔

Congratulations Rumman Raees on ODI debut #ENGvPAK pic.twitter.com/dfEkduy8Yc

— Pakistan Cricket (@TheRealPCB) June 14, 2017

پی سی بی کی ویب سائٹ پر رومان رئیس کو قومی ٹیم کا حصہ بننے پر مبارکباد دی گئی ہے۔ رومان رئیس 42 فرسٹ کلاس میچز میں 25.99 کی اوسط سے 123 وکٹیں بھی حاصل کر رکھی ہیں۔

واضح رہے کہ رومان رئیس ڈومیسٹک سیزن کے ساتھ پاکستان سپر لیگ کے دوسرے ایڈیشن میں بھی اچھی کارکردگی کا مظاہرہ کر چکے ہیں۔