شام میں فوجی تحقیقی مرکز پر اسرائیلی طیاروں کے حملے میں دو افراد ہلاک ہوگئے ہیں ۔
غیر ملکی خبر رساں ادارے کے مطابق شامی کی سرکاری افواج نے دعویٰ کیا ہے کہ اسرائیلی طیاروں نے بین الاقوامی قانون کی خلاف ورزی کرتے ہوئے دمشق کے علاقے جمرایہ میں دفاعی تحقیقی مرکز کو نشانہ بنایا جس کے نتیجے میں دو افراد ہلاک جب کہ 5 زخمی ہوگئے
فوجی حکام کے مطابق اسرائیل کے طیارے لبنان کی جانب سے شامی سرحد میں داخل ہوئے تھے اور انتہائی نچلی پرواز کے باعث ان کی ریڈار پر بھی نشاندہی نہ ہوسکی۔