کراچی میں امن وامان کی صورتحال ایسی نہیں جیسی ہونی چاہئےچیف الیکشن کمشنر

عوام سے اپیل کرتا ہوں کہ وہ الیکشن کمیشن کے عملے ساتھ تعاون کریں، چیف الیکشن کمشنر

ویب ڈیسک January 31, 2013

سیاستدانوں کے اپنے ایجنڈے ہوتے ہیں جبکہ کراچی کے دھرنے میں شامل تمام جماعتوں کے تحفظات دور کردیئے ہیں۔ فخرالدین جی ابراہیم فوٹو: اے پی پی/فائل

چیف الیکشن کمشنر فخرالدین جی ابراہیم نے کہا ہے کہ شہرکی صورتحال ایسی نہیں جیسی ہونی چاہئے،

ووٹرلسٹوں کی تصدیق کے عمل کی شفافیت کو یقینی بنانے کے لئے چیف الیکشن کمشنر فخرالدین جی ابراہیم نے کراچی کے مختلف علاقوں کا دورہ کیا اور ووٹرلسٹوں کی تصدیق کے عمل کا جائز ہ لیا،اس موقع پر ان کے ہمراہ پاک فوج اور رینجرز کے جوان بھی موجود تھے، فخرالدین جی ابراہیم نے جیل چورنگی کے قریب حیدرآباد کالونی کے مکینوں سے بات چیت کی اور عوام سے اپیل کی وہ الیکشن کمیشن کے عملے ساتھ تعاون کریں۔

میڈیا کے نمائدوں سے بات کرتے ہوئے چیف الیکشن کمشنر فخرالدین جی ابراہیم کا کہنا تھا کہ کراچی میں امن وامان کی صورتحال ایسی نہیں جیسی ہونی چاہئے۔،ہم نے اپنے کام میں کوئی کوتاہی نہیں برتی، سپریم کورٹ کے احکامات پرعمل کررہے ہیں ، انہوں نے کہا کہ سیاستدانوں کے اپنے ایجنڈے ہوتے ہیں جبکہ کراچی کے دھرنے میں شامل تمام جماعتوں کے تحفظات دور کردیئے ہیں۔