مقبوضہ کشمیر میں پولیس ٹرک پر حملے میں 6 بھارتی اہلکار ہلاک

مقبوضہ کشمیر میں پولیس ٹرک پر نامعلوم افراد کے حملے میں 6 بھارتی پولیس اہلکار ہلاک اور متعدد زخمی ہو گئے۔

بھارتی میڈیا کے مطابق پولیس ٹرک پر حملہ مقبوضہ کشمیر کے ضلع اننت ناگ میں اس وقت کیا گیا جب پولیس اہلکار معمول کے گشت پر تھے، حملہ آوروں نے پولیس کی گاڑی کو روک کر اندھا دھند فائرنگ کر دی جس کے نتیجے ٹرک میں سوار ایس ایچ او سمیت 6 پولیس اہلکار ہلاک اور متعدد زخمی ہو گئے جن میں سے بعض کی حالت تشویش ناک بتائی جاتی ہے۔


اس خبر کو بھی پڑھیں : مقبوضہ کشمیر میں بھارتی فوجی قافلے پر حملے میں 2 اہلکار ہلاک

فائرنگ کے واقعہ کے بعد پولیس اور سیکیورٹی فورسز کی بڑی تعداد نے علاقے کو گھیرے میں لیکر حملہ آوروں کی تلاش کے لیے سرچ آپریشن شروع کردیا۔