چیرمین نیب فصیح بخاری نے استعفیٰ نہیں دیافاروق ایچ نائیک

وفاقی وزیر قانون فاروق ایچ نائیک نے کہا ہے کہ صدر مملکت نے چیرمین نیب کے خط پر وزارت قانون سے رائے طلب کی ہے، وزارت جائزہ لے کر صدر کو اپنی رائے سے آگاہ کرے گی۔

اسلام آباد میں میڈیا کے نمائندوں سے بات کرتے ہوئےان کا کہنا تھا کہ چیرمین نیب فصیح بخاری مستعفی نہیں ہوئے ابھی کام کررہے ہیں، ججوں کی تقرری سے متعلق عدالتی رائے کے حوالے سے ان کا کہنا تھا کہ انہوں نے عدالتی فیصلہ ابھی نہیں پڑھا، دیکھنے کے بعد ہی تبصرہ کروں گا۔

واضح رہے کہ نیب کے سربراہ فصیح بخاری نے صدر آصف زرداری کو ایک خط کے ذریعے آگاہ کیا تھا کہ نیب پر سپریم کورٹ کا دباؤ ہے، معاملہ حل نہ ہوا تو مستعفی ہو جاؤں گا.