بالی وڈ اداکار ہریتک روشن نے کہا ہے کہ کامیابی حاصل کرنے کے لیے وقت کی قدر بہت ضروری ہے۔ایک ملاقات میں انھوں نے کہاکہ ان کے نزدیک وقت ہی سب کچھ ہے۔

فلم''کہو نا پیار ہے''سے کیرئیر کا آغاز کرنے والے خوبرو اداکار ہریتک روشن نے کہا کہ زیادہ تر لوگوں کے نزدیک کامیابی شہرت اور پیسہ کمانے کا دوسرا نام ہے لیکن ان کے نزدیک کامیابی وقت کی قدر اوراس کے صحیح استعمال سے حاصل ہوتی ہے۔ پیسہ اور شہرت آپ کو خود مل جاتا ہے۔ انھوں نے کہاکہ اگر آپ کو وقت کا صحیح استعمال کرکے اس سے فائدہ اٹھانا آتا ہے تو آپ اس دنیا میں کامیاب ہو نگے۔