سینئر اداکار مسعود اختر نے ایوارڈ فخر زمان کے نام کر دیا

دو مرتبہ پرائیڈ آف پرفارمنس حاصل کرنے والے سینئر اداکار و فنکار سوسائٹی کے چیئرمین مسعود اختر نے اپنا پرائیڈ آف پرفارمنس ایوارڈ آئی سی سی چمپئنز ٹرافی فائنل کے پاکستانی ہیرو فخر زمان کے نام کر دیا۔


سینئر اداکار مسعود اختر دو مرتبہ پرائیڈ آف پرفارمنس ایوارڈ حاصل کر چکے ہیں اور انھوں نے اپنا ایک پرائیڈ آف پرفارمنس ایوارڈ چمپئنز ٹرافی کے مین آف دی میچ فخر زمان کے نام کر دیا ہے جو ایک تقریب میں فخر زمان کو دیا جائے گا۔

اس حوالے سے مسعود اختر نے گفتگو کرتے ہوئے کہا کہ پاکستانی ٹیم نے بھارتی ٹیم کو بدترین شکست دیکر قوم کو عید کا تحفہ دیا ہے اور میرے پاس اپنے ہیروز کو خراج تحسین پیش کرنے کے لیے الفاظ نہیں۔