لندن گرنفل ٹاور حادثے میں ہلاکتیں 79 ہوگئیں

واقعے کے دوران لاپتہ ہونیوالے 5 افراد کے بارے میں پتا چل گیا، خیریت سے ہیں، پولیس۔ فوٹو : اے ایف پی

---

برطانوی پولیس نے لندن کی کثیر المنزلہ عمارت میں ہلاک ہونے والوں کی تعداد 79 ہونے کا خدشہ ظاہر کردیا۔

غیر ملکی میڈیا کے مطابق برطانوی پولیس نے بتایا ہے کہ لندن کی کثیر المنزلہ عمارت میں ہلاک ہونے والوں کی تعداد 79 ہو سکتی ہے۔ لندن پولیس کے کمانڈر اسٹورٹ کنڈی کے مطابق گرنفل میں آتشزدگی کے بعد ہلاکتوں کی تعداد بدل تو سکتی ہے لیکن بہت بڑی کسی تبدیلی کی امید نہیں، انھوں نے بتایا کہ اس واقعے کے دوران لاپتہ ہونے والے 5 افراد کے بارے میں پتا چل گیا ہے اور وہ خیریت سے ہیں۔