جے آئی ٹی جیسے سوال پوچھے گی ویسے جواب دوں گا رحمان ملک

جے آئی ٹی نے حدیبیہ پیپرملز کیس میں نواز شریف کے خلاف گواہی کے لیے سینیٹر رحمان ملک کوطلب کیا ہے فوٹو: فائل

---

سابق وزیرداخلہ رحمان ملک کا کہنا ہے کہ پاناما کیس کی تحقیقات کرنے والی جے آئی ٹی ان سے جیسے سوال کرے گی وہ ویسے ہی جواب دیں گے۔

سابق وزیرداخلہ رحمان ملک نے برطانیہ سے وطن واپس پہنچنے پر اسلام آباد میں میڈیا سے گفتگو کرتے ہوئے کہا کہ 23 جون کو وہ جے آئی ٹی کے سامنے پیش ہونے پر ہی تفصیلات منظرعام پرلائیں گے، دیکھنا یہ ہو گا کہ جے آئی ٹی ان سے کیا سوالات کرتی ہے، جے آئی ٹی جیسے سوال پوچھے گی ویسے جواب دیں گے۔

دوسری جانب رحمان ملک کا چیمپئینز ٹرافی کی جیت پرکہنا تھا کہ قومی ٹیم کے فائنل جیتنے پر بہت خوشی ہے جب کہ گرین شرٹ نے ہر اس ٹیم کو ہرایاجیسے ہر پاکستانی ہرانا چاہتا تھا۔

واضح رہے کہ جے آئی ٹی نے حدیبیہ پیپر ملز کیس میں نواز شریف کے خلاف گواہی کے لیے سینیٹر رحمان ملک کو طلب کیا ہے.