رائیونڈ میں بارش کے باعث دکان کی چھت گرنے سے 3 افراد ہلاک

امدادی کارکنوں اور مقامی رہائشیوں نے ملبے تلے دبے افراد کو نکال کر اسپتال منتقل کیا۔ فوٹو: فائل

---

لاہور: مانگا روڈ پر دکان کی چھت گرنے سے تین افراد ہلاک اور 4 زخمی ہوگئے۔

لاہور پولیس کے مطابق مانگا روڈ پر شدید بارشوں سے ایک خستہ حال دکان کی چھت گر گئی جس کے نتیجے میں ملبے تلے دب کر 3 افراد ہلاک اور 4 زخمی ہوگئے۔

پولیس کا کہنا ہے کہ چھت اس وقت گری جب گاہک دکان میں خریداری میں مصروف تھے۔ امدادی کارکنوں اور مقامی رہائشیوں نے ملبے تلے دبے افراد کو نکال کر اسپتال منتقل کیا جہاں زخمیوں کو طبی امداد فراہم کی گئی۔