جاپان میں کیمرہ و فوٹو امیجنگ نمائش کا انعقاد کینن چھاگئی

جاپان کے شہر یوکوہاما میں سی پی +کیمرہ اور فوٹو امیجنگ نمائش 2013 کا انعقاد ہوا جس میں ملک بھر سے کینن سمیت مختلف کمپنیوں نے حصہ لیا۔


نمائش میں وزٹرز نے کیمرہ بنانے والی شہرہ آفاق کمپنی کینن کے سٹال میں خصوصی دلچسپی لی اور کمپنی کے کیمرہ ماڈل IXUS 255 ،IXUS135 ،IXUS140 کو بہت سراہا۔ کمپنی نے نمائش میں کینن ''پاور شارٹ این'' اور پاور شاٹ اے 2500 اور اے 2600 بھی متعارف کرائے۔

امیج کمیونی کیشن پراڈکٹس آپریشنز کینن کے منیجنگ ڈائریکٹر وچیف ایگزیکٹو Masaya Maeda کے مطابق نمائش میں ان کی پراڈکٹس سینما ای او ایس سسٹم ، ای ایف لینزز24mm-70mm اور پاور شاٹ این کیمرہ کو خاص اہمیت دی گئی۔ ان کا کہنا تھا کہ یورپین اور ایشیئن مارکیٹس مثلا پاکستان ،انڈونیشیا ،سری لنکا اور دیگر کینن کے لیے کلیدی مارکیٹس کی حیثیت رکھتی ہیں۔