احمد مختار نے پرویزالٰہی کے مدمقابل الیکشن لڑنے کا اعلان کردیا

پانی وبجلی کا وزیر بننے کے بعد مجھے بھاری رشوت کی آفر ہوئی مگر میں نے ہمیشہ حق حلال کھانا سیکھا ہے،احمد مختار

Numainda Express/Numainda Express February 02, 2013

پانی وبجلی کا وزیر بننے کے بعد مجھے بھاری رشوت کی آفر ہوئی مگر میں نے ہمیشہ حق حلال کھانا سیکھا ہے،احمد مختار فوٹو: فائل

KARACHI: وفاقی وزیر بجلی وپانی چوہدری احمد مختار نے کہا ہے کہ انتخابات ملتوی ہونے کی باتیں قیاس آرائیاں ہیں، اسمبلیاں تحلیل ہوتے ہی نگران حکومت کا قیام عمل میں آجائیگا۔

عوامی رابطہ آفس میں میڈیا سے گفتگو کرتے ہوئے احمد مختار نے کہا کہ نائب وزیراعظم چوہدری پرویز الٰہی کو اپنے ساتھیوں پر اعتماد نہیں، اس لیے وہ بوکھلا کر اب حلقہ این اے 105 سے الیکشن لڑنے کا اعلان کررہے ہیں حالانکہ مجھے اسی حلقے سے صدر آصف زرداری نے سگنل دے دیا ہے، میں ہی حلقہ این اے105 سے الیکشن لڑونگا اور 15 دن بعد اپنی انتخابی مہم کا آغاز کردوں گا۔ احمد مختار نے کہا کہ پانی وبجلی کا وزیر بننے کے بعد مجھے بھاری رشوت کی آفر ہوئی مگر میں نے ہمیشہ حق حلال کھانا سیکھا ہے۔ نجی ٹی وی کے مطابق احمد مختار نے پرویز الٰہی کے مدمقابل الیکشن لڑنے کا اعلان کر دیا ہے۔