کراچی تیز رفتار منی بس بالائی بیریئر سے ٹکراگئی 17 افراد زخمی

بس ڈرائیور کی غیر ذمہ داری کے باعث تیز رفتار منی بس بالائی بیریئر سے ٹکراگئی جس کے نتیجے میں 17 افراد زخمی ہوگئے۔

ڈیفنس خیابان اتحاد میں صبح کے وقت ڈرائیور کی تیزرفتاری اور غیر ذمہ داری کے باعث منی بس بالائی بیرئیر سے ٹکراگئی جس کے باعث 17 افراد زخمی ہوئے جنہیں ڈی ایچ اے ویجلنس ٹیم نے فوری طور پر جناح اسپتال منتقل کردیا جہاں انہیں طبی امداد فراہم کی جارہی ہے۔


مسافروں کا کہنا تھا کہ ڈرائیورتیز رفتاری سے منی بس چلارہا تھا جسے متعدد بارآہستہ چلانے کا بھی کہا گیا لیکن اس نے بات سنی ان سنی کردی جس کے باعث حادثہ پیش آیا۔