امریکا ٹرمپ کی فتح سے متعلق پوتن آرڈر سے آگاہ تھا

ایکشن کے بجائے صرف پوتن کو خبردارکیا، بعد میں افسوس ہوا، واشنگٹن پوسٹ

آن لائن June 25, 2017

سی آئی اے اپریل سے جانتی تھی کہ روسی صدرنے ٹرمپ کو جتوانے کے لیے کہا ہے۔ فوٹو: فائل

ایک امریکی اخبار نے دعویٰ کیا ہے کہ صدارتی انتخابات سے بہت پہلے ہی سی آئی اے کے علم میں تھا کہ روسی صدر نے ٹرمپ کو فتح دلانے کے لیے آپریشن کا حکم دیا ہے۔

اخبار واشنگٹن پوسٹ نے اپنی ایک رپورٹ میں دعویٰ کیا ہے کہ سی آئی اے کے پاس گزشتہ سال اگست میں ایسی انٹیلی جنس معلومات تھیں جن میں روسی صدر ولادی میر پیوتن نے ذاتی طور پر ایک آپریشن کا حکم دیا تھا جس کا مقصد صدر ٹرمپ کو امریکی انتخابات میں فتح دلانا تھا۔

اخبارکے مطابق اس حوالے سے اس وقت کی انتظامیہ کو آگاہ کردیا تھا مگر انتظامیہ نے انتخابات کے حوالے سے سخت ایکشن لینے کے بجائے صرف روسی صدر کو خبردار کیا اور اس پر مطمئن ہو کر بیٹھ گئے تھے۔ جب صدر ٹرمپ غیرمتوقع طور پرصدر منتخب ہو گئے تو اس وقت انٹیلی جنس حکام نے افسوس کا اظہار کیا کہ انھیں اس بارے میں پہلے ہی سخت ایکشن لے لینا چاہیے تھا۔