کوہلو سے بڑی تعداد میں اسلحہ و گولہ بارود برآمد

مخی نالہ سے 42 تھیلے بارودی مواد بھی برآمد کیا گیا ہے، فورسز: فوٹو: فائل

---

تحصیل کاہان میں سیکیورٹی فورسز نے کارروائی کرتے ہوئے بڑی تعداد میں اسلحہ و گولہ بارود برآمد کر لیا۔

ایکسپریس نیوز کے مطابق کوہلو کی تحصیل کاہان کے علاقے مخی نالہ میں لیویز اور دیگر فورسز نے خفیہ اطلاعات پر مشترکہ کارروائی کرتے ہوئے بڑی تعداد میں اسلحہ و گولہ بارود برآمد کر لیا جبکہ فورسز کی جانب سے علاقے میں تاحال آپریشن جاری ہے۔

اس خبرکو بھی پڑھیں: کوہلومیں آپریشن ردالفساد کے تحت کارروائی، بڑی تعداد میں اسلحہ بر آمد

برآمد کئے جانے والے اسلحے میں ڈنگر مشین گن، 170 راؤنڈز، 11 اینٹی ٹینک شکن مائنز سمیت 42 تھیلے بارودی مواد بھی شامل ہے۔ ڈپٹی کمشنر کوہلو نے پریس کانفرنس کرتے ہوئے بتایا کہ برآمد کیا جانے والا اسلحہ تخریب کاری کی بڑی کارروائی کے لئے استعمال کیا جانا تھا تاہم فورسز نے بروقت کارروائی کر کے اس منصوبے کو ناکام بنا دیا۔