پاکستان میں پہلی بار کسی خواجہ سرا کو جنس ’’ایکس‘‘ کا پاسپورٹ جاری

پاسپورٹ میں اسکی جنس ایکس ظاہرکی گئی ہے جبکہ ماضی میں جنس ’’مرد‘‘ ظاہر کی گئی تھی، فرزانہ۔ فوٹو: فائل

---

PESHAWAR: پاکستان میں پہلی بار کسی خواجہ سرا کو پاسپورٹ جاری کر دیا گیا ہے جس میں اسکی جنس ایکس ظاہر کی گئی ہے۔

جنس ایکس ظاہر کرتا یہ پاسپورٹ پشاور کے خواجہ سرا فرزانہ جان کو جاری کیا گیا ہے اور اس نے اسکا خیر مقدم کرتے ہوئے کہا کہ اس کیلئے اب بیرون ملک سفر آسان ہو جائیگا۔ فرزانہ نے اے ایف پی کو بتایا کہ پاسپورٹ میں اسکی جنس ایکس ظاہرکی گئی ہے جبکہ ماضی میں اسکی جنس ''مرد'' ظاہر کی گئی تھی۔

واضح رہے کہ ٹرانس ایکشن نامی تنظیم کی صدر فرزانہ نے بتایا کہ اس نے حکام کو بتا دیا تھا کہ اگر اسکی جنس مرد ظاہر کی گئی تو وہ پاسپورٹ وصول نہیں کریگی۔