مارگلہ ویو ہائوسنگ سوسائٹی کیلیے پی ٹی سی ایل کی مواصلاتی سروسزکااجرا

پاکستان ٹیلی کمیونیکیشن کمپنی لمیٹڈ(پی ٹی سی ایل)نے جدت اورترقی کی روایات کوقائم رکھتے ہوئے اسلام آباد میںنوتعمیرکردہ مارگلہ ویوہائوسنگ سوسائٹی سیکٹرڈی17کے لیے ٹیلی مواصلاتی سروسز کا اجرا کر دیا ہے۔


ریجنل جنرل منیجر ندیم اے اعوان نے مارگلہ ویوہائوسنگ سوسائٹی کے صدرکی میزبانی میںایک رنگا رنگ تقریب کے دوران پی ٹی سی ایل سروسز کاافتتاح کیا، علاقے کے200سے زائد مکینوں نے اہم خدمات کے آغاز پر پی ٹی سی ایل کاشکریہ اداکیا۔

پی ٹی سی ایل پہلی ٹیلی کام آپریٹرہے جس نے اس علاقے میںٹیلی مواصلاتی سروسز کا آغازکیاہے،اس اہم کام کی کم وقت میںتکمیل میںپی ٹی سی ایل کے اسٹاف نے نہایت محنت، لگن اورعزم کامظاہرہ کیااب اس علاقے میں پی ٹی سی ایل نے تینوںسروسزبشمول فکسڈلائن ٹیلی فون، براڈبینڈ انٹرنیٹ اوراسمارٹ ٹی وی مہیاکر دی ہیں۔