گلشن اقبال میں نیپا چورنگی کےقریب سی این جی اسٹیشن کی گیس لائن پھٹنے سے تین افراد زخمی ہوگئے۔

پولیس کے مطابق نیپا چورنگی کے قریب واقع سی این جی اسٹیشن پر گیس پائپ لائن پھٹ گئی جس سے تین افراد زخمی ہوئے۔ زخمیوں کو طبی امداد کے لئے قریبی اسپتال منتقل کردیا گیا جہاں زخمیوں کی حالت خطرے سے باہر بتائی جا رہی ہے۔ دھماکے سے نزدیک ہی واقع ایک شادی ہال کی گیس لائن کو معمولی نقصان بھی پہنچا۔