نوازشریف کی حکومت مسلسل انتقام اورسازشوں کی زد میں ہے سعد رفیق

 ہمیں پاکستان کی خدمت سے روکنے کے لئے بارباراڑنگے دیے گئے، سعد رفیق: فوٹو: فائل

---

KARACHI: وفاقی وزیرسعد رفیق کا کہنا ہے کہ منتخب جمہوری حکومتوں کو کبھی تسلسل سے کام کرنے نہیں دیا گیا اور نوازشریف کی حکومت مسلسل انتقام اورسازشوں کی زد میں ہے۔

وفاقی وزیرریلوے خواجہ سعد رفیق کا سماجی رابطے کی ویب سائٹ ٹوئٹرپرکہنا تھا کہ نوازشریف کی حکومت مسلسل انتقام، نفرت، تعصب اورسازشوں کی زد میں ہے اوراس نفرت، تعصب اورانتقام کا نقصان نواز شریف سے کہیں زیادہ پاکستان کو پہنچ رہا ہے، ہمیں پاکستان کی خدمت سے روکنے کے لئے بارباراڑنگے دیے گئے لیکن کٹھ پُتلیاں جلد بے نقاب ہوں گی۔

https://twitter.com/khsaadrafique/status/880699516961394692

وفاقی وزیرریلوے سعد رفیق کا کہنا تھا کہ منتخب جمہوری حکومتوں کو کبھی تسلسل سے کام کرنے نہیں دیا گیا، بعض بیرونی طاقتیں خاکم بدھن پاکستان کوشام اورمصربنانا چاہتی ہیں جبکہ التحریراسکوائرکی مثالیں دینے والے مصر کے حشرسے ہی سبق سیکھ لیں۔

https://twitter.com/khsaadrafique/status/880697162878910464

وفاقی وزیرریلوے خواجہ سعدرفیق نے کہا کہ پارسائی کے زعم میں مبتلا لوگوں کی رائے باہی پھیلا سکتی ہے، جانبدارانہ اور یک طرفہ احتساب کی ڈگڈگی بجانے والے ملک کو دلدلی راستے پر ڈال سکتے ہیں۔ ان کا کہنا تھا کہ میاں نواز شریف، مسلم لیگ ن اورجمہوری نظام کے بارے میں نفرت، تعصب اورانتقام کی سوچ کے حامل لوگ اپنے رویوں، اقدامات اور اُس کے نتائج پراچھی طرح غورکرلیں۔

https://twitter.com/khsaadrafique/status/880698194816008192