عثمان آباد دوگروپوں میں تصادم مکین محصورایک شخص زخمی

دونوں جانب سے کی جانے والی مورچہ بند فائرنگ کے باعث علاقہ مکین گھروں میں محصور ہوکر رہ گئے۔ فوٹو: فائل

---

لیاری کے علاقے عثمان آباد میں دو گروپوں کے درمیان تصادم ہوگیا جس کے باعث علاقہ فائرنگ سے گونج اٹھا۔

علاقہ مکین گھروں میں محصور ہو کر رہ گئے ، واقعے میں ایک نوجوان زخمی ہوا ہے ، تفصیلات کے مطابق لیاری کے علاقے عثمان آباد میں دو گروپوں کے درمیان مسلح تصادم ہوا ، اس دوران بھاری ہتھیار استعمال کیے گئے،دونوں جانب سے کی جانے والی مورچہ بند فائرنگ کے باعث علاقہ مکین گھروں میں محصور ہوکر رہ گئے، فائرنگ سے ایک شخص محمد رمضان ولد محمد شریف زخمی ہوگیا ،اطلاعات کے مطابق علاقے میں فائرنگ اور دو گروپوں میں تصادم معمول بنتا جارہا ہے لیکن پولیس کوئی موثر کارروائی نہیں کرتی جس کا خمیازہ شہری بھگت رہے ہیں ۔