سابق کیوی کپتان روس ٹیلر نے واضح کیا ہے کہ ان کے کوچ مائیک ہیسن سے تعلقات بہتری کی راہ پر گامزن ہیں۔

انھوں نے میڈیا سے بات چیت کے دوران کپتانی تنازع پر بات چیت کرنے سے گریز کرتے ہوئے کہا کہ میری گذشتہ دنوں ہیسن سے ملاقات بہتر رہی، میں تمام چیزوں کو پس پشت ڈال کر ایک بار پھر صرف اپنی پرفارمنس اور ٹیم کی کامیابیوں پر توجہ مرکوز کیے ہوئے ہوں، روس ٹیلر نے مزید کہا کہ باہر بیٹھ کر ٹیم کو کھیلتے ہوئے دیکھنا میرے لیے تکلیف دہ تھا مگر یہ نہیں کہہ سکتا کہ میری واپسی سے ٹیم کی پرفارمنس پر بہت زیادہ اثر پڑے گا۔