کیلی فورنیا میں طیارے کی مصروف شاہراہ پر کریش لینڈنگ کی ویڈیو وائرل

سیسنا طیارہ زمین سے ٹکرانے کے بعد آگ کا گولہ بن گیا تاہم معجزانہ طور پر کوئی شخص ہلاک نہیں ہوا

ویب ڈیسک July 01, 2017

جان وین ائرپورٹ سے اڑان بھرنے کے چند ہی لمحوں بعد طیارے کا ایک انجن خراب ہوگیا۔ فوٹو: انٹرنیٹ

امریکا میں مصروف شاہراہ پر طیارے کی کریش لینڈنگ کے نتیجے میں دو افراد زخمی ہوگئے۔

غیر ملکی میڈیا کے مطابق امریکی ریاست کیلی فورنیا میں دو انجن والے سیسنا طیارے نے مصروف شاہراہ ''405 فری وے'' پر کریش لینڈنگ کی، نیچے آتے ہی زمین سے ٹکرانے کے بعد طیارہ آگ کا گولہ بن گیا تاہم معجزانہ طور پر واقعے میں کوئی شخص ہلاک نہیں ہوا۔ جہاز میں دو میاں بیوی سوار تھے جو باہر نکلنے میں کامیاب ہوگئے مگر انہیں گہری چوٹیں آئیں۔

Video shows moment of impact when small plane crashes on 405 Freeway in Southern California. https://t.co/Rb7cKwYRCv pic.twitter.com/upyvgje3dO
— ABC News (@ABC) June 30, 2017

امریکی حکام نے بتایا کہ جان وین ائرپورٹ سے اڑان بھرنے کے چند ہی لمحوں بعد طیارے کا ایک انجن خراب ہوگیا، جس کے باعث پائلٹ نے رخ واپس ہوائی اڈے کی طرف موڑ لیا، تاہم جہاز رن وے تک پہنچنے سے پہلے ہی بے قابو ہوگیا جس کے نتیجے میں پائلٹ نے شاہراہ پر ہی کریش لینڈنگ کی۔ حادثے کے وقت سڑک پر گاڑیوں کی آمد و رفت جاری تھی اور کوئی بڑا سانحہ پیش آسکتا تھا لیکن ایسا نہ ہوا اور معجزانہ طور پر زمین پر موجود کسی شخص کو نقصان نہیں پہنچا۔