سری لنکن وکٹ کیپر نروشن ڈیکویلا پر جرمانہ عائد کردیا گیا

میچ ریفری کرس براڈ نے نروشن پر نہ صرف 30 فیصد میچ فیس جرمانہ کیا بلکہ ساتھ میں 2 ڈی میرٹ پوائنٹس بھی دے دیے ۔ فوٹو : فائل

---

زمبابوے کے خلاف پہلے ون ڈے میں 'بے ایمانی' کرنے پر سری لنکن وکٹ کیپر بیٹسمین نروشن ڈیکویلا پر جرمانہ ہوگیا۔

مہمان ٹیم کی اننگز کے ساتویں اوور میں نروشن ڈیکویلا نے اسپنر اکیلا دھننجایا کی گیند پر سولومن مائر کیخلاف اسٹمپنگ کا غلط دعویٰ کیا، میچ ریفری کرس براڈ نے نروشن کی اس حرکت کو گیم اسپرٹ کے منافی قرار دیتے ہوئے نہ صرف 30 فیصد میچ فیس جرمانہ کیا بلکہ ساتھ میں 2 ڈی میرٹ پوائنٹس بھی دے دیے۔