پاکستانی نژاد برطانوی باکسر عامر خان کہتے ہیں وہ دنیا میں جہاں بھی رہیں ان کی شناخت پاکستان سے ہی ہوتی ہے۔
لاہور میں میڈیا سے بات کرتے ہوئے عالمی شہرت ہافتہ باکسر کا کہنا تھا کہ 31 مئی کو نیویارک میں ان کی شادی ہے، شاہد آفریدی ان کے بہت اچھے دوست ہیں اپنی شادی میں انہیں دعوت دی ہے۔ راولپنڈی میں بھی اپنے دوستوں کو دعوت ضرور دوں گا۔
عامر خان کا کہنا تھا کہ دنیا میں پاکستان کے بارے میں عمومی تاثر انتہائی منفی ہے جبکہ حالات انتہائی مختلف ہیں، پاکستان بہت محفوظ ملک ہے یہاں آنے پر کھلاڑیوں کو کوئی خوف نہیں ہونا چاہیے۔