شعیب ملک کے برجستہ جواب وزیر اعظم بھی بے اختیار مسکرا دیئے

شعیب ملک کے برجستہ اور چست فقروں پر وزیراعظم اور دیگر شرکاء اپنی ہنسی پر قابو نہ رکھ سکے ۔ فوٹو : اسکرین گریب

---

قومی کرکٹ ٹیم کے اعزاز میں وزیر اعظم ہاﺅس میں تقریب کے دوران شعیب ملک کی جانب سے میزبان کے سوالات کے برجستہ اور چست فقروں پر وزیر اعظم سمیت تمام حاضرین مسکرا دیئے۔

شعیب ملک سے پوچھا گیا کہ چیمپئنز ٹرافی کیلیے جاتے ہوئے دل کی کیا کیفیت تھی جس پر انہوں نے کہا کہ "ہم گانے کی شوٹنگ کیلیے نہیں جا رہے تھے کہ دل کی کیفیت نوٹ کرتے۔"

اس خبرکو بھی پڑھیں :اظہر علی کی "ہارر اسٹوری"، محفل میں قہقہوں کا طوفان

شعیب ملک سے پوچھا گیا کہ چیمپئنز ٹرافی میں بھارت کیخلاف فتح کے بعد گھر سے ڈانٹ تو نہیں پڑی، تو انہوں نے برجستہ جواب دیا کہ "میں کوئی آپ کی طرح ہوں۔" جس پر وزیراعظم اور دیگر شرکاء اپنی ہنسی پر قابو نہ رکھ سکے۔

ٹینس سیکھنے کے سوال پر شعیب ملک نے کہا کہ " جی ہاں! سیکھ لی ہے اور سب سے پہلے آپ پر ہی آزماﺅں گا۔"