ستمبر میں ورلڈ الیون پاکستان آ رہی ہے نجم سیٹھی

وزیراعظم کی ہدایت پر پاکستان کرکٹ کو بحال کرنے اور ملک میں انٹرنیشنل کرکٹ کی واپسی کیلیے اقدامات کیے، نجم سیٹھی ۔ فوٹو: فائل

---

چیرمین پاکستان سپر لیگ نجم سیٹھی نے کہا ہے کہ ستمبر میں ورلڈ الیون پاکستان آ رہی ہے جب کہ ویسٹ انڈیز اور سری لنکا کی ٹیمیں بھی آئیں گی۔

چیمپئنز ٹرافی کی فاتح ٹیم کے اعزاز میں وزیر اعظم ہاؤس میں منعقدہ تقریب سے خطاب کرتے ہوئے نجم سیٹھی نے کہا کہ وزیر اعظم کے اصرار پر قائم مقام چیرمین پی سی بی کا عہدہ سنبھالا اور ان کی ہدایت پر ہی پاکستان کرکٹ کو بحال کرنے اور ملک میں انٹرنیشنل کرکٹ کی واپسی کیلیے اقدامات کیے۔

اس خبر کو بھی پڑھیں :چیمپئنز ٹرافی کے فاتح اسکواڈ کیلئے تمغہ حسن کارکردگی کا اعلان

نجم سیٹھی نے کہا کہ میرے اس سفر میں کئی بار ایسا وقت بھی آیا کہ لگتا تھا ہم ڈوب جائیں گے تاہم وزیر اعظم کی رہنمائی کی وجہ سے ایسا کرنے میں کامیاب رہا۔ انہوں نے کہا ہے کہ ستمبر میں ورلڈ الیون پاکستان آ رہی ہے جب کہ ویسٹ انڈیز اور سری لنکا کی ٹیمیں بھی آئیں گی۔