محمد عامر فلم ’’یلغار‘‘ دیکھنے کے لیے سینما پہنچ گئے

مجھے اپنے سینما اور لیجنڈ ہیرو شان کی جدوجہد پر فخر ہے،اسٹار کرکٹر کا ٹوئٹر پرپیغام۔ فوٹو: فائل

---

PESHAWAR: کرکٹر محمد عامر لالی ووڈ فلم انڈسٹری کے مداح نکلے اور عید پر ریلیز فلم ''یلغار '' دیکھنے کے لیے اپنے مصروف ترین شیڈول سے وقت نکال کر سنیما میں پہنچ گئے۔

محمد عامر نے بھی ٹویٹر پر پیغام جاری کرتے ہوئے لکھا کہ ''وہ اس وقت یلغار فلم دیکھ رہے ہیں، مجھے اپنے سینما اور لیجنڈ ہیرو شان کی جدوجہد پر فخر ہے''۔

واضح رہے کہ پاکستان کی اب تک کی مہنگی ترین فلم یلغار کی نمائش پاکستان سمیت ملک کے 22ممالک میں جاری ہے تاہم پاکستان کی انتہائی زبردست فلم ' یلغار ' نے اس وقت دنیا کے 22ممالک میں دھوم مچا رکھی ہے۔