ایشین ٹیم اسنوکر بھارت نے پاکستان کو مات دیدی

پاکستان کو سلور اور برانز میڈلز پر اکتفا کرنا پڑا ۔ فوٹو : ٹویٹر

---

AUGUSTA: اے سی بی ایس کی 5ویں ایشین ٹیم اسنو کر چیمپئن شپ میں قومی ٹیم نمبر2 کو حریف ملک کی نمبر1 سائیڈ نے 0-3 سے ہرادیا۔

کرغزستان کے شہر بشکیک میں منعقدہ اے سی بی ایس کی 5ویں ایشین ٹیم اسنوکر چیمپئن شپ کے فائنل میں پاکستان کو بھارت کے ہاتھوں شکست کا سامنا رہا، قومی ٹیم نمبر2 کو حریف ملک کی نمبر1 سائیڈ نے 0-3 سے ہرادیا، پاکستان کو سلور اور برانز میڈلز پر اکتفا کرنا پڑا۔

اس خبر کو بھی پڑھیں :پاکستان بھارت کو ہرا کر ڈبلز چیمپئن بن گیا

واضح رہے کہ ایونٹ میں پاکستان اور بھارت کی بھی 2،2 ٹیموں نے حصہ لیا تھا، فاتح ٹیم 16 مرتبہ کے عالمی چیمپئن پنکج ایڈوانی اور لکشمن روات پر مشتمل ہے جب کہ ناکام سائیڈ محمد بلال اور بابر مسیح پر مشتمل تھی۔