ناصرجمشید کی اہلیہ نے علیحدگی کی تردید کر دی

ہر مضبوط اور خود مختار عورت کے اندر ایک چھوٹی شکستہ لڑکی ہوتی ہے، ڈاکٹر سمارا۔ فوٹو: فائل

---

اسپاٹ فکسنگ کیس میں معطل کرکٹر ناصرجمشید کی اہلیہ ڈاکٹر سمارا افضل نے شوہر سے علیحدگی کی خبروں کی تردید کردی۔

سماجی رابطے کی ویب سائٹ پر اپنی ٹوئٹ میں اسپاٹ فکسنگ کیس کے مرکزی ملزم ناصر جمشید کی اہلیہ ڈاکٹر سمارا افضل نے کہا کہ پتہ نہیں میڈیا کو میری اور ناصر کی علیحدگی کی خبر کہاں سے مل گئی ہے جس میں کوئی سچائی نہیں اور یہ ایک غلط خبر ہے۔

https://twitter.com/SamaraAfzal/status/882719944139526145

اپنی پچھلی ٹوئٹ میں ڈاکٹر سمارا کا کہنا تھا کہ وقت آن پہنچا ہے کہ اب مجھے اپنے آپ کو قصور وار سمجھنے کے بجائے خود کو مضبوط بنانا ہو گا، تعلقات ختم ہو جاتے ہیں لیکن زندگی تو چلتی رہتی ہے۔

Time to stop feeling sorry for myself.. and be strong .. relationships break down but life must go on..

— Dr Samara Afzal (@SamaraAfzal) July 5, 2017

ایک اور پیغام میں انہوں نے جذباتی انداز میں پیغام شیئر کیا جس میں انہوں نے کہا کہ ہر مضبوط اور خود مختار عورت کے پیچھے ایک چھوٹی شکستہ لڑکی ہوتی ہے جو یہ سیکھ چکی ہوتی ہے کہ کس طرح دوبارہ اٹھنا ہے اور دوسروں پر انحصار نہیں کرنا۔

So true... pic.twitter.com/B7uVEkcGDk

— Dr Samara Afzal (@SamaraAfzal) July 5, 2017

واضح رہے کہ پی سی بی کی جانب سے ناصر جمشید کو اسپاٹ فکسنگ کیس کا مرکزی کردار قرار دیا گیا تھا جب کہ برطانیہ کی نیشنل کرائم ایجنسی نے کرکٹر کو ضمانت پر رہا کر کے ان کا پاسپورٹ اپنی تحویل میں لے لیا تھا اور تفتیش مکمل ہونے تک وہ ملک سے باہر نہیں جا سکتے۔ ناصر جمشید نے پی سی بی کی جانب سے بنائی گئی تحقیقاتی کمیٹی کے الزامات کی سختی سے تردید کرتے ہوئے ٹریبونل پر دباؤ ڈالنے کا الزام عائد کیا تھا۔