کشمیریوں کی سیاسی سفارتی اور اخلاقی حمایت جاری رکھیں گے نواز شریف

مسئلہ کشمیر کا حل ہمارے وزارت عظمیٰ کے دونوں ادوار میں خارجہ پالیسی کا بنیادی جزو رہا ہے، نواز شریف فوٹو: فائل

---

KARACHI: مسلم لیگ (ن) کے صدر نواز شریف نے کہا ہے کہ ایک ایسا پانچ فروری بھی آئے گا جب مسئلہ کشمیر اہل کشمیر کی خواہشات کے مطابق حل ہوچکا ہوگا، کشمیریوں کی سیاسی، سفارتی اور اخلاقی حمایت جاری رکھیں گے۔

یوم یکجہتی کشمیر پر نوازشریف نے اپنے پیغام میں کہا ہے کہ پاکستان اورکشمیر کا رشتہ کبھی نہ ختم ہونےوالا ہے، پاکستان کشمیر کاز کی بھرپور سیاسی، سفارتی اور اخلاقی حمایت جاری رکھے گا، انہوں نے کہا کہ مسئلہ کشمیر کا حل ان کی وزارت عظمیٰ کے دونوں ادوار میں خارجہ پالیسی کا بنیادی جزو رہا ہے۔

نواز شریف نے کہا کہ خود بھارتی وزیراعظم نے1999 کو مسئلہ کشمیر کے پرامن حل کا سال قرار دیا تھا، مشرف ٹولے کے مس ایڈونچر کی وجہ سے امن کا سفارتی اقدام ضائع ہوگیا، ان کا کہنا تھا کہ اہل پاکستان اور اہل کشمیر ایک ایسے اٹوٹ رشتے میں بندھے ہوئے ہیں جو ہمیشہ قائم رہے گا۔