میسی دنیا کے بہترین معاوضہ پانے والے فٹبالر ہیں بارسلونا چیف کا دعویٰ

بارسلونا کے صدر جوزف ماریا بارٹومیو نے کہا ہے کہ میسی دنیا میں بہترین معاوضہ پانے والے فٹبالر ہیں۔


انھوں نے حال ہی میں بارسلونا سے معاہدے میں 2021 تک توسیع لے لی ہے، انھوں نے میسی کو نئے معاہدے میں دی جانے والی رقم تو نہیں بتائی لیکن ان کا یہ ضرور کہنا تھا کہ پانچ بار کے بیلون ڈی آر ایوارڈ فاتح میسی اب دنیا کے بہترین معاوضہ پانے والے فٹبالر ہیں۔

معاہدے میں توسیع سے قبل معاوضہ پانے والوں ٹاپ فٹبالرز میں میسی کا نمبر تیسرا تھا، فوربز میگزین کے مطابق ان کی آمدنی 80 ملین ڈالر تھی، کرسٹیانو رونالڈو 93 ملین ڈالر کے ساتھ ٹاپ پر ہیں۔