پولیس نے عباسی شہید اسپتال سے گزشتہ دنوں اغوا کئے جانے والا نوزائیدہ بچہ ٹنڈوالہٰ یار سے بازیاب کرکے خاتون سمیت 2 افراد کو گرفتارکرلیا۔
کراچی پولیس نے خفیہ اطلاع پر پیر اور منگل کی درمیانی شب ٹنڈوالہٰ یار کے میر واہ روڈ سے متصل کھتری پاڑہ میں امجد نامی شخص کے گھر پر چھاپہ مارکر 2 ماہ کے مغوی بچے کو بازیاب کرا لیا۔
پولیس کی ٹیم مغوی بچے اور ملزمان کو کراچی لے آئی ہے جہاں ضروری قانونی تقاضوں کی تکمیل کے بعد بچے کو اس کے والدین کے حوالے کردیا جائے گا جبکہ ملزمان کو عدالت میں پیش کیا جائے گا۔
واضح رہے کہ یکم فروری کو ملزمہ روبی عباسی شہید اسپتال میں زیر علاج بچے کی ماں کو مفت علاج کا جھانسہ دے کر بچے کو لے کر فرار ہوگئی تھی۔